‘Na volta gh’era l’üšansa de piantà süche, ingürie ‘ melon ne le cuete ‘dré le strade ‘ sü le rive d’le ruše. Se treva ‘n pé ‘na cašota de frasche cu’na tetoja rüšna, quater taulin cu’ le cadreghe dispre ‘ ‘na porta semper verta. Da lì ‘l padron, en pé, ne l’ato de tajà ‘na feta de lüna p’r un sold, el deva la vuš al viandant de suravia: - Bondì siurìa, che’l vegna ‘ setàs šu che stem in cumpagnia; l’è fresca, l’è sfraša, se mangia, se bev e se lava la facia... a fregamüšon... Sichè, quan vün el se desbraša, per vègh rešon o per tiràt a trampa, se ghe diš: - Quest chì l’è tame ‘el padron d’la melunera’ che’l vör dat’la d’intend semp’r a la sò manera… E ‘ntant el mund el gira, e tüti ‘ dì ven sira... la lüna la slarga’l sò vel, tüt se scunfund; el mund ebrél, semper püsè birund, , el se derseda ‘nsema ‘ n qual vagabund… E fürtünadi quei che ghe ucur no d’i eroi per dešbrujà i garbüj de quater catanaj ch’i fan d’un cadreghin virtü del sò bursin; sichè, per culpa d’ quater bagulon, al post de prugredì ‘ndem tüti ‘n del brenton…‘Nqueidün diš perché sem dispri,‘Roba sernida e roba da munton’, ch’la trà non ‘n pas se nun dedré a ‘n padron…- Cercà de trai ‘nsema sarés fa cume i rati ch’i mes’ciu la farina cu’ i gnignati o ‘me scunfund el gras cu’l magher…Diseva ‘n gentilom:- Cara’l mè nanu, sem amò toni… al mund cumanda ‘l Papa, el re, el boja padron d’la vita e ‘l popul che ne gh’n’à ne s’n’angüra; e pararés gna vira… semp’r en d’la stesa mira; anca tiràd sü ‘n gir ma semper prunti a fà caciara:- Incӧ l’è ‘dré che’l pasa, dumàn se vedarà…Sichè, stà sü alegher, quel ch’i àn fai no da oca i fan da paver…El Padron, da patronus, prutetur d’i liberti, ris’cienda la vita per truà la sò indipendensa, l’è pasàd a siur d’i schiavi e paišan, rivenda ‘ chi pӧd fà quel che ghe par e piaš, nunchè dispun d’una tal roba ‘ piaciment. Nel stes temp el domina sü quei ch’i diventu i sò servi, ch’i àn preferìd la perdita d’la sò indipendensa pür de salvà la vita. Che a sò volta i diventu impurtanti per mandà ‘vanti l’impresa. Pertant, padron e garšon i en un tütüna, quasi du face d’la stesa medaja: el prim e l gh’à un’idea e l’olter la svilüpa cun la sò arte, ünida ‘ la dignità del sò laurà. Sichè, la nosta storia de burgade laburiuse la se circunda de tante bèle viende ch’i àn fai ‘ndà ‘vanti ‘l mund cun tante prudüsion ne le tante casine, davanti a ‘na caldera da dumà, cume ne le noste indüstrie, che ‘nsema i àn mis in moto l’ Italia capitalista del Votcent. La vita fӧra dal laurà l’era ‘mò quela de ‘n qual cent ani ‘ndré: i fiӧi de nisün, quei che gh’eva bišogn de tüti, i stevu per sò cünt, saradi ‘n d’la sò curt ‘me tanti cunfinadi; tüt al pü, le fiӧle, quele püsè ‘n criansa, i ‘ndevu a servì ‘n cà d’i padròn, sensa fas vegn d’le strane idee, lur ch’i restevu roba da munton. Ma la fiӧla del cašìr l’era talment bèla da dagh d’i gratacapi tant al siur Togn che al cap d’la stala. Vün el dišèva:- Se gh’è gnüd in ment de murušà ‘na fiӧla de nisün… cun tüti ‘ mè prugeti, de ‘nparentas cun roba sernida, magari de cità, ma uramai… va tüt a munfurlon…L’olter el penseva:- La s’fa tirà sü ‘n gir ‘me ‘na giavana, per un caprisi d’un bon a gnent, un meš stüdent visiad e ‘bitüad a vegh tüt a mišüra; dopu ch’l’avrà gudüda la tӧdarà pü nisüna…Un bel dì riva la cartulina p’r el suldà e ‘l fiӧl del padron, el siur Pepin, che’l ghe sculdeva ‘l cӧr a la sò Giüsepina, el và ‘n d’l’Aeronautica e’l ciapa ‘l brevèt per pilutà ‘n avion; che tüti ‘ dì, adré ‘l mešdì, d’un meš de mag ‘pena finìd la guera, el survuleva ‘ basa quota la rišera per salüdà la murušina cun fӧra la bandiera… Apriti cielo, altra storia: el cašìr el se lumenteva che l’era ‘na roba de vergogna tratà ‘na pora fiӧla de casina propi ‘me ‘na maramana…El siur Togn el dèva fӧra:- Chisà s’te gh’è ‘n del cò per quela là, che tüti ‘ dì te me fè perd un’ ura de laurà cu’ le mundine che scapa suta le gabe stremide da le tò stravacade; te vegni a cà ‘n licensa e te s’la trӧvi ‘n bras bèla ‘n criansa… Finìd la leva, i dü amanti impusibui i s’àn spušadi, en pumpa magna e cun tüt l’unur, in barba ‘ le cumà, a le sò tradision e a chi s’la feva nӧva. E ‘pena dopu, el siur Togn, sò fiӧl e la sò spuša, diventada la siura Giüsepina, sò papà, Fausto Copi el curidur, Gioan Brera fu Carlo e mè papà, el cašè che ‘ndeva ‘ fà ‘l furmaj cu’ la bici da cursa, i en andai a Milàn al Velodromo a ved rivà el gir d’Italia. E la Giüsepina, fiӧla del cašìr d’la Miandulina, l’er la roša püsè bèla e amirada, quasi ‘me la madrina de la cursa iridada… Sichè, pararés fin che le mundine spenagiade d’una rišera, strapasada da la bandiera d’un avion che vuleva ‘ basa quota, i m’àbu tiràd la vulada… a mi e a tanti ben de nüm…Tino.VetAger Laudensis at work
IL PADRONE DELLA COCOMERAIAUn tempo c’era la consuetudine di coltivare zucche, angurie e meloni negli appezzamenti prospicienti le strade o lungo le rogge. Si rabberciava una capanna di frasche con la tettoia ruggine, quattro tavolini con le seggiole spaiate e la porta sempre aperta. Da lì il padrone, in piedi, in procinto di tagliare una fetta di luna per un soldo, adescava il viandante di passaggio: ‘Buon giorno a sua signoria, venga a sedersi che stiamo un poco in compagnia; è fresca, friabile, si mangia, si beve e ci si lava la faccia… a fregamusone. Nondimeno, quando qualcuno si sbraccia per averla vinta o per giocarti un brutto tiro, gli si dice: - Costui è come il padrone della melonera, che vuol fartela intendere sempre alla sua maniera… E intanto il mondo gira, e tutti i giorni si fa sera… la luna distende il suo velo e tutto si confonde; il mondo miscredente, sempre più zoppicante, pian piano si risveglia con qualche vagabondo… E fortunati coloro che non abbisognano di eroi per dirimere i garbugli di quattro sprovveduti che fanno di una carica pubblica un’occasione per il proprio tornaconto; laonde, per colpa di qualche ciarlatano anziché progredire finiamo tutti nel pantano…Qualcuno dice perché siamo spaiati, la Classe scelta e quella da ammasso, che non muove un passo se non al seguito di un ‘padrone’… - Tentare di farne un insieme sarebbe come imitare i topi che mescolano la farina con le feci o confondere il grasso col magro… Diceva un gentiluomo:- Caro mio, siamo daccapo… al mondo comanda il Papa, il re, il boia padrone della vita e il popolino che non possiede nulla e manco se ne cura:- Oggi se ne sta andando, domani si vedrà… pertanto, non darti pena, quello che non han fatto da oche faran da papere… Il Padrone, da patronus, protettore dei liberti, rischiando la vita per trovare la sua indipendenza, è passato a signore degli schiavi e dei contadini, quindi a chi può fare ciò che più gli aggrada, disponendo altresì di una tal merce a suo piacere. Nel contempo, comanda quelli che diventano suoi servi, avendo preferito la perdita della propria indipendenza pur di aver salva la vita. Che a loro volta diventano importanti per mandare avanti l’impresa. Nondimeno, padrone e garzone sono un insieme, quasi due facce della stessa medaglia: il primo ha un progetto e il secondo lo sviluppa con la sua professionalità, in sintonia con la dignità del suo lavoro. Pertanto, la nostra storia di borgate laboriose si circonda di tante belle vicende che hanno fatto progredire il mondo con tante produzioni nelle numerose cascine, davanti a una caldaia di latte da cagliare, come nelle nostre industrie, che unite hanno messo in moto l’Italia capitalista dell’Ottocento. La vita fuori dal lavoro era ancora di qualche secolo addietro: i figli di nessuno, quelli che avevano bisogno di tutti, stavano per loro conto, chiusi nella loro corte come tanti confinati; tutt’al più, le ragazze, quelle più avvenenti, andavano a servizio in casa del padrone, senza grilli per la testa, loro che restavano roba da ammasso. Ma la figlia del capostalla era talmente bella da dar dei grattacapi tanto al Siur Togn che al padre. Il primo diceva:- Cosa gli sarà venuto in mente, per amoreggiare con la figlia di nessuno… con tutti i miei progetti, di imparentarmi con gente del mio rango, magari di città, ma oramai… va tutto a catafascio… L’altro pensava:- Mia figli a si fa menare per il naso come una poco di buono, per un capriccio di un buono a nulla, un mezzo studente viziato e avvezzo ad avere tutto a portata di mano; quando l’avrà goduta non se la prenderà più nessuno…Un bel giorno arriva la cartolina del soldato ed il figlio del padrone, il signorino Peppino, che scaldava il cuore alla sua Giuseppina, va nell’Aeronautica e prende il brevetto per pilotare un aereo; che tutti i giorni, in quel di mezzogiorno di un mese di maggio del secondo dopoguerra, sorvolava a bassa quota la risaia per salutare la morosina esponendo la bandiera… Apriti cielo, altra storia: il capostalla trovava vergognoso trattare una povera ragazza di cascina proprio come una Messalina…Il siur Togn dava in escandescenze:- Chissà cosa ti ha preso per quella là, ché tutti i santi giorni mi fai perdere un’ora di lavoro con le mondine che fuggono sotto le capitozze spaventate dalle tue smargiassate; torni in licenza e te la trovi in grembo fin che vuoi… Terminata la leva militare, i due amanti impossibili sono convolati a giuste nozze, in pompa magna e con tutto l’onore, in barba alle comari, alle loro tradizioni e a chi se ne faceva meraviglia. Non molto dopo il siur Togn, suo figlio e la sua sposa, diventata la signora Giuseppina, suo padre, Fausto Coppi il corridore ciclista, Gioan Brera fu Carlo e mio papà, il casaro che andava a fabbricare il granone lodigiano in bici da corsa, si recarono a Milano al Velodromo per l’arrivo del giro d’Italia. E la Giuseppina, figlia del capostalla della Mirandolina, era la rosa più bella e ammirata, al pari della madrina della corsa iridata… laonde, sembrerebbe quasi che le mondine spennacchiate di una risaia, strapazzata dalla bandiera di un apparecchio che volava a bassa quota, abbian tirato la volata, a me e a molti di noi…
© RIPRODUZIONE RISERVATA