Quand che in paìs scurèva la rusa, l’indüstria l’era amò artigianal e la gent la laureva tant la tèra. I omi, de sìra, i gnevun a cà strachi e alura le done, insema al mangià, i ghe metevun süla taula el damigianìn de vin da cinq litri per risanai un pò e veda se dopu gh’la fevun amò a fa quater salti nel lett, insì da slargà pusé la famiglia. De bestie ghe n’era tante. Ala matina quand se vere
va la finestra, o te sentevi udù de stala o de pulé e quand in una curt i masevun el nimal, insema ala spüsa de scrofa che tanfeva ne l’aria, a gh’era un muiment de gent nanca da cred. Meno male che dopu gneva el dì d’la bügada ch’el prufumeva l’aria de savòn e de net. Giù al mulìn gh’era semper un gran tribülà: tra melga, melgon, frument e orš i laurevun dì e not e i ghe devun la farina diretament ai prestìn. In chi ani là, i macelari i püdevun vend duma la carne de caval o de ašnu; i sarti e i barbé i laurevun in cà e i verdüré i ‘ndevun cul caretìn fina a San Culumban per tö la früta da met in butega. I cési gh’ievun quasi tüti in curt e per lavas se druéva el segiòn cun l’acqua del foss. Chi gh’eva la lambréta a l’era un siur, perchè per le strade se vedeva apena biciclete, ašnìn e cavai da tir e gh’er nisün che ‘ndeva de premüra, i ‘ndevun cul so pass, adatad ai tempi.
P’rò gh’era pusé armunia cun la natüra. Quand che da fiöi se ‘ndeva a bas al doss, l’era cùme veda el quader d’un pitùr: i orti e i campi i ‘ndevun fin atàc al castel e basteva poc per divertis. L’era asé metes en pepertèra e giügà ‘ndi fòsi o rampegà süle piante tame i gàti. E là ‘ndue te truevi una pianta umbrusa, te se slunghevi sul’erba e te guardevi in ciel cun la quiét nel cör, e anche se te gh’evi gnent de tò, l’era asé ch’el mument lì per riempit l’anima de lüš.
Costante Passera, Graffignana
I CAMPI ARRIVAVANO
FINO AL CASTELLO
Quando in paese scorreva la reggia, l’industria era ancora artigianale e la gente lavorava la terra. Gli uomini, di sera, tornavano a casa stanchi e allora le donne, insieme al cibo, gli mettevano sulla tavola il damigianino di vino da cinque litri per risanarli un po’ e per vedere se dopo ce la facevano ancora a fare quattro salti nel letto, così da allargare di più la famiglia. Di bestie ce n’erano tante. Alla mattina, quando aprivi la finestra, o sentivi odore di stalla o di pollaio e quando in una corte ammazzavano il maiale, insieme alla puzza di scrofa che tanfava nell’aria, c’era un. movimento di gente nemmeno da credere. Meno male che poi veniva il giorno del bucato che profumava l’aria di sapone e di pulito. Giù al mulino c’era sempre un gran daffare: fra mais, melgone, frumento e orzo, lavoravano giorno e notte e davano la farina direttamente ai panific-i. In quegl’anni, i macellai potevano vendere solamente carne equina; i sarti e i barbieri lavoravano in’ casa e gli ortolani andavano col carrettino fino1a San Colombano per acquistare la frutta da esporre in bottega. I gabinetti li avevano quasi tutti in cortile e per lavarsi si usava il mastello con l’acqua del fosso. Chi aveva la lambretta era un signore, perché per le strade si vedevano soltanto biciclette, asini e cavalli da tiro e non c’era nessuno che andava di fretta; andavano col loro passo, adattato ai tempi. Però c’era più armonia con la natura. Quando da ragazzi si andava giù al dosso, era come vedere il quadro di un pittore: gli orti e i campi andavano sino ai confini del castello e bastava poco per divertirsi. Bastava mettersi a piedi nudi e giocare nei fossi o arrampicarsi sulle piante come i gatti. E là dove trovavi una pianta ombrosa, ti allungavi sull’erba e guardavi in cielo con la quiete nel cuore, e anche se non avevi nulla di tuo, era sufficiente quel momento per riempirti l’anima di luce.
© RIPRODUZIONE RISERVATA