Timùr d’Idiu, rispèt del maester, ‘bundansa de letüra, tratà cun le persune e vès bon de tegn a ment i fan ven l’om garbàd e al pas cu’l rest del mund. E ‘n caš de fa valè le sò resòn, de dà ‘na man a purtà ‘nnans quel che ciamem prugrès in sen a la pupulasion; de truà mèši e rimedi, inventà machine ‘ sistemi, sfrütà risurse e materie prime ch’i fan la storia d’la nosta civiltà... da quan l’om d’la preda növa, un qual deš mila ani ‘ndré, el s’à fai sü le prime capane, l’à piantad la prima sumensa e l’à levàd le prime bestie. L’à ‘mparad a unurà una divinità, a pregàla de fa ‘ndà ‘vanti le stagion, a druà ‘na parlada per viv in meš a i oltri, discùr, capìs e fàn tesor.- El Timur d’Idiu l’è vün d’i set doni del Spiritu Sant, l’è ‘na scola de sapiensa, fidücia e ricunusensa nel Signur; e cume tüti ‘ doni el vör gratitüdin e dispunibilità, perchè ‘prima d’la gloria gh’è l’ümiltà’. La nosta l’è no pagüra del castigh p’r i pecadi ma per l’ufesa d’la poca fed e riverensa.- El rispèt del maester l’è necesari perché la sua l’è ‘na mision da purtà ‘vanti ‘n serenità; se te ‘l trati no ben e te ‘l paghi no a temp te utegni pü gnent perché un cünt l’è l’armunia e un olter l’è quan i t’àn fai scapà le vache al prà... e sicume ‘l’è ‘l maester che suna la müsica’, l’è mej pensàgh a sura prima de fà ‘me quei ch’i borlu semper ne la stesa mira, che gh’la fan semper drita ‘n candila...- La custansa d’la letüra: leg semper, püsè che te pödi, per tegnes alenàd; a basa vuš o a ment, per distürbà no i višin. Sta ben atenti a quel che te legi per tegnel a ment e fan tesor. Libera ‘l tò cör da ogni alter penser e impara ‘ criticà quel che gh’è scrit, fat’n’un cuncèt e metel a cunfrunt cun le tò cunusense; ‘pena te pödi, parlen cu’i tò gent...- Dumandà semper: ogni volta che te gh’è bišogn, un dübi; sies al maester, ai cumpagni püsè istrüidi, che a quei che sa meno de ti perché nel dumandà te ‘mpari semper un quaicos, perché ‘a parlà s’intend’, da che gh’è mund... Sta ‘ la larga da quei che se dà tropa impurtansa perché quan i se credu süperiuri a i olter i àn capìd no cume funsiuna la baraca e quel ch’i san l’è bon apena per fas bej de buca...Ricordet che a temp e lögh, cun la giüsta edücasion, se utégn tüt quel che se vör...- Vès bon de tegn a ment tüt quel che s’è stüdiad, perché sedenura val no la pena metes in bal, anca per imparà un mesté. E quan se sa ‘n quaicos l’è mej esercitàs, parlàn, discutun cu’ la gent, che tegnel scuš in un casét; e metes a dispusision, perché la sudisfasion püsè bela l’è quela de dà ‘na man a i olter ch’ i te ricambiu cun unur, fama e rispèt. E ‘pena se gh’à ‘n mument l’è mai temp pers rilég, spiegà cu’l lib’r in man o insegnà quel che s’è ‘mparad, per migliuràl.Sichè, cun la scola, l’om l’è riüsid a insegnà, e tramandà cu’ la scritüra, quela che ciamarém manera de fa o cültüra de la sò tribu. Che tüte ‘nsema i diventu ‘l patrimoni de l’ümanità, ma ciapade vüna per vüna i rèstu el pregio de ‘na tera bela ‘me la nosta Lumbardia, due gh’è talment tante diferense che se fa prest a sentìs almanch furesti, per quant restem ünidi da la storia patria; ch’l’à mis insema i muntagnin, i pescadù del lagh fai da la nosta Ada, nel menter da la muntagna la camina vèr la piana, cu’i paišan d’la campagna verda e laburiusa. Cume se diš, anca l’Ada l’à ‘mparad a laurà da i nosti vilàn... ch’la sfrütu cun maestria fin a l’ültim buchél... Ma anca quel che s’ ciama tradision, da tramandà, el ven da i libri, l’è ‘l früt de studi e ‘sperimenti de generasion, ch’i turnu ‘ndré a le prime civiltà; ch’i s’àn truade sübet un quaicos, prima da ‘nterpretà e po da ‘ministrà. Da chì le prime scole, destinade a quei che gh’eva bon temp, i siuri, ch’i fevu laurà i olter al sò post, nel menter i stüdievu la manera de tegnes bela streta la cültüra, tüt quel che se ‘mpareva ‘ scola, ‘nsema ‘ la pruprietà d’la tera, la vera diferensa tra lur e l’ignuransa d’ i servi de la gleba, vilàn sensa criansa, ch’i ghe nempiu la bursa e la gamèla. Da le piene del Nilo a le navi fenicie, a la Grecia cunquistada da una Ruma, sutumisa da la sò sapiensa e cültüra, pian pian el mund el s’è nempid de scole. S’è cumenciad cu’l fà stüdià cume aministrà le pruprietà, dàs d’le regule ch’ i diventevu legi, capì la parlada d’i višìn per baratà le merci. E ‘nsema ‘ le navi o a le caruane d’i mercanti se cumercieva anca le idee, commercium mentis et rei, e la sciensa la feva la storia del prugrès d’l’ümanità ‘nsema ‘ la tradision e a la cültüra de popui diferenti ch’i se cunfruntevu e i se scambievu pareri in merit a la vita urdinaria, religiusa e civil. Fin che un bel dì Menghin el riva ‘ cà cu’ la prima pagela d’la sò scola fašöla de campagna; el pà la guarda e’l resta fin de carta: - Quater in ‘Taliàn l’è per via del Dialèt, tri ‘ n Geugrafia perché se mövem mai da la casìna ... tri in Aritmetica perché me vansa i cünti da pumè... ma dü in Storia!?... Te gh’evi miga tant da leg o cüntà sü: pulenta tüti ‘ dì, un sarmantin a l’an, ‘na cà piena de fiӧi, che borla šu, la festa ‘na bèla gnola ‘l bacalin... e ‘na volta ‘ l’an a Lod per la büšèca d’ San Basan...Modesto TonaniIL QUATTRO IN ITALIANO A CAUSA DEL DIALETTO (traduzione) Timor di Dio, rispetto per il maestro, abbondanza di lettura, sapersi confrontare con le persone e ritenere ciò che si è appreso rendono l’uomo affabile ed al passo col suo tempo. Ed in grado di far valer le sue ragioni, di dare una mano a portare avanti quel che chiamiamo progresso in seno alla popolazione; di trovare mezzi e rimedi, inventare macchine e sistemi, sfruttare risorse e materie prime che fanno la storia della nostra civiltà… da quando l’uomo del neolitico, circa diecimila anni or sono, si costruì le prime capanne, mise a dimora i primi semi e addomesticò i primi animali. Imparò ad onorare una divinità, a pregarla di far continuare le stagioni. Ad usare un linguaggio per vivere con gli altri, discutere, capirsi e farne tesoro. - Il Timor di Dio è uno dei sette doni dello Spirito Santo, è una scuola di sapienza, fiducia e riconoscenza nel Signore; e come tutti i doni vuole gratitudine e disponibilità, perché prima della gloria viene l’umiltà. La nostra non è paura del castigo per i peccati ma per l’offesa della poca fede e riverenza.- Il rispetto per il maestro è necessario perché la sua è una missione da portare avanti in serenità; se viene maltrattato o non pagato a tempo debito, non ottieni più nulla perché un conto è l’armonia e un altro è quando gli fai perdere le staffe… e siccome è il maestro che suona la musica, è meglio riflettere prima di di comportarsi come quelli che cadono sempre nello stesso modo, puntualmente raggirati…- La costanza della lettura: leggi sempre, più che puoi, per tenerti allenato, a bassa voce o a mente per non disturbare i vicini. Poni attenzione a quel che leggi, tienitelo a mente e fanne tesoro. Libera il tuo cuore da ogni altro pensiero e impara a criticare quello che leggi, ricavane un’opinione da confrontare con le tue conoscenze; appena puoi, parlane in famiglia…- Chiedere sempre: per qualsiasi necessità, un dubbio; tanto al maestro, ai compagni più istruiti, che a quelli che sanno meno di te, perché nel chiedere impari sempre qualcosa, perché parlando ci si intende da che c’è mondo… guardati da chi si dà troppa importanza perché quelli che si credono superiori agli altri non hanno capito come funziona il vivere civile e quel che sanno serve solo per darsi delle arie…Ricordati che a tempo e luogo, con la giusta educazione, si ottiene tutto quel che si vuole…- Ritenere tutto ciò che hai studiato, perché altrimenti non val la pena mettersi in ballo, anche per imparare un mestiere. E quando si conosce è meglio mettersi in gioco, parlarne, discuterne con la gente, che tenerlo nascosto in un cassetto; e mettersi a disposizione, perché la maggior soddisfazione è quella di aiutare gli altri che ti ricambiano con onore, fama e rispetto. E appena trovi un momento è sempre meglio rileggere, spiegare col libro in mano o insegnare quello che si è appreso, per renderlo migliore. Nondimeno, con la scuola l’uomo è riuscito a insegnare, e tramandare con la scrittura, quella che chiameremo modo di vivere o cultura della sua tribù. Che, tutte insieme, diventano il patrimonio dell’umanità, prese una per una restano il pregio di una terra bella come la nostra Lombardia, dove sono tali le differenze che si fa presto a sentirsi perlomeno forestieri, per quanto restiamo uniti dalla storia patria; che ha unito montanari, pescatori del lago formato dalla nostra Adda, mentre dalla montagna cammina verso il piano, ai contadini della nostra campagna verde e laboriosa. Come si dice, anche l’Adda ha imparato a lavorare dai nostri villani… che la sfruttano con maestria fino all’ultimo bocchello… Ma anche quello che si chiama tradizione, da tramandare, arriva dai libri, è il frutto di studi e di esperimenti di generazioni, che si rifanno alle prime civiltà; che si sono trovate subito una realtà, prima da interpretare e poi da gestire. Da qui le prime scuole, destinate a quelli che avevano tempo da investire, i ricchi, che facevano lavorare gli altri al loro posto, mentre studiavano come tenersi ben stretta la cultura, tutto quello che si imparava a scuola, con la proprietà della terra, la vera differenza tra loro e l’ignoranza dei servi della gleba, villani senza creanza, che gli riempivano la borsa e la scodella. Dalle piene del Nilo alle navi fenicie, alla Grecia conquistata da una Roma sottomessa dalla sua sapienza e cultura, pian piano il mondo si è riempito di scuole. Si è cominciato col far studiare come amministrare le proprietà, darsi delle regole che diventeranno leggi, capire la lingua dei vicini per barattare le merci. E con le navi o le carovane dei mercanti si commerciavano anche le idee, commercium mentis et rei, e la scienza faceva la storia del progresso dell’umanità con la tradizione e cultura di popoli differenti che si confrontavano e si scambiavano pareri circa la vita ordinaria, religiosa e civile. Fin che un bel giorno Meneghino torna dalla sua scuola di campagna con la prima pagella; il padre la guarda e resta di princisbecco:- Quattro in Italiano per via del Dialetto, tre in Geografia perché non ci muoviamo mai dalla cascina… tre in Aritmetica perché ci bastano i conti della serva… ma due in Storia!? Non avevi molto da leggere o raccontare: polenta tutti i giorni, un trasloco l’anno, una casa piena di figli che rischia di crollare, la domenica una bella sbornia all’osteria… e una volta l’anno a Lodi per la trippa di San Bassiano.
© RIPRODUZIONE RISERVATA