Cürva dopu cürva, paìš dopu paìš, ceša dopu ceša, Madunìn dop Madunìn… ura d’la fin cumpàr in luntanànsa la sàguma d’la cità: Ricu l’èva mai vist ‘na cità, anca se Lod l’èr no a cà del diaul: da Muntešlìn gh’era no ste gran strada, ma Ricu el sèva no se l’èra ‘na cità; la ’maginèva no ‘nsì piena de vita per tüte le strade cun un via vai de gent e cariagi d’ogni sort. Ghe parèva da ved el mund intrégh, nel sberlugià insì tanti müci de cà végn föra da i campi ‘n traméš a le piante. Ricu, vedénda sta quantità de teci e campanìn, son de campane e füm de camìn, cu’i nìgui basi sura le cà, nel menter gnèa sü maraja, el s’èra stremìd miga mal in meš a stò gašaghè de gent, cavài, caròse, vedrine, finestre ‘n dapertüt; lü che, vilàn, el sèva tüt sü’ i tempurài, ma ‘n meš ai campi, cent volte mèj de chèl maciciò ch’i ciàmun cità o… gašaghè, vöt met!? Pepu’l gh’èva’l sò da fà ‘ tiràs’l adré p’r i strasi ‘me ’n vedlìn quan el vör no savègh’nu da met i pé ‘n sü’l car del macelàr.Ura d’la fin, se Diu vör, dopu tant patimént, i rìvu ‘n piàsa del Dom; e chì Ricu ’l taca ‘ fà da mat, el scapüsa’n d’una béula e’l fà ‘na sümagàta sü’l risàd; la gent, curiùša me’l mal de cü, la se ferma ‘ guardà ‘l vilàn ch’l’è scapüsàd e l’è là’n tèra me ‘n barlòch, sensa gurlòn! I ridun, e se sent in meš a i denti: - Paišàn, leva l’ùngia che gh’è la peca, tandàn.E Pepu adòs an lü, pegiu d’i olter: - Sa fèt, sèt ‘dré gnì mat, me par de vègh da fà cu ‘n can mai pü dešligàd da la cadena, su’n po’ de vicioria, baléngh!Ricu’l bufa pü gnàn dal cül:- S’i vörun tüti, e pö, s’i gh’àn da rid? Sa fài in gir, vài no a laurà, gh’ài propi gnent de mèj da guardà!? Che brüta vienda la cità, o civiltà, mah… Al culm d’la cünfüšiòn, masàd da la vergogna, el se leva’n pé e ‘l taca ’ caminà tame vün ciùch: da chì e da là ‘n meš a tüti sti müri, porte, finestre, can, omi, gendarm, müi e cavài. Suta i porteghi d’la piàsa par ‘na fera de tüs còs, tame füdes ‘na giustra de paìš, cu’ i bestiulìn e cavalé ch’i san del solit udù de miseria e pansa schisa.Nel menter el se guarda’n gir, pasa de cursa un cavàl cu’ i can che ghe cur adré a piàgh la cua; cu’l naš per ari, el finìs adòs a le gent che pasa e’l strabüca sü’l risàd d’la piasa tame’n tumarél.Pepu la dögia, el scurlìs la testa e’l ghe fà: - Ricu, canda’l mengu, sa fèt a buca vèrta, èt mai vist gnent cumpàgn, o marter, èt mai üšmàd ‘nsì tante robe ‘n d’una volta!? E l’olter, vušénda cume füdés in meš a la campagna cu’l sapòn, el ghe rispùnd cun vuš gajarda:- Canda la mama, che vienda èla questa!? Pepu, làsem ved amò’n po’; quante bèle tetòie, cašòti, ho mai vist gnent da che mè mader la m’à mis al mund…quant fen, quanti cari de rüd ghe starés in d’i casinoti mai pü finìdi; insisia, per nüdrigà vache ‘ nimài, manšöi e vedéi, e ‘ngrasài al mèi… p’ro, un mument: gh’è gnanca’n pulè, miga de galine, un pursìl, du’ èl el stalòn, e’l cašòn…? Chì ‘n cità ‘n du’ vai a mangià, anca chì sunarà’l mešdì…E ‘ntànt che’l farfüia, el leva’l naš e’l ved le madame a le finestre ’n volt, lüstre püsè che bèle, tame le tartarüghe, ch’i guardu ‘n šù lü che ’l vuša’n d’la strada secùnd la sò üsansa. Ricu s’n ancòrš e ‘l ghe và ‘dré cu’l did, el scavalca’l müret de cinta e’l fà la runda. D’un trat el taca ‘ vušà:- Cuiòn, guarda che bèle femne, ti a vedi Pepu, che bèle manše, prunte da met al tor!? E Pepu suta vuš, tame vès a cacia ‘n meš al busch: - Sa gh’èt adòs incö, el cancher? S’te salta’n ment da vušà’nsì fort, brüt marter...Nel menter el ghe rešenta, tempurìd, ‘na gumedàda’n d’le coste; ma lü’l vuša püsè amò e’l leva püsè’l did: - T’ i a vedi Pepu ste regine, tame i èn bèle, ma… perché i lüšìsun insì tant!? Le stèle!? Sì, iér, m’n’anfùta tant d’le stèle, pensi a le noste done ch’i parun padéle.Finalment finìs la via e i girun a destra ‘n d’una cuntràda scüra, due Pepu’l ghe fà: - Sara ch’la buca sacrilega lì o te ciàpi a bastunàde! Vöt fat menà via!? S’te pensi nel tò cervèl de galina, de vès in meš a’n bùsch a fà la legna?- L’è ben quèl, in meš a stò gašaghè sèi pü ‘n du ‘ndà ‘ fà ‘l nin...A salti ‘ rivu a porta Cremuna e pö a la Gata; i ciapu per la Cà del Cunt e, finalment, se šlarga l’aria e se sent udù de cà... salta sü Ricu e’l fà:- Nè Pepu, tel sè s’te diši sura ‘l cünt: son püsè strach che ‘ndà ‘ rüdà cu’l tumarel in meš a gias, nev e šel; fighi mariana, che despreši stà tüti ‘ dì cun tüti ‘n gir a guardàt en buca; trala ‘n muneda, l’è tame la filada, ma... sensa pui, dunei e orti, va ‘ finì ch’i tacu lit per nempìs el piat püsè de nüm che parem semper l’ültima röda del car... trala ‘n muneda, sem propi gnüdi a cavà gias in una grama val...Menu mal che tüti ‘ dì ven fusch, e, cume se sa, i paišàn i girun vèr cà. Schersi de la cità, meša da trà via e meša da mundà… parola de Ricu, Ludešàn d’antàn che al masim l’èva vist Türàn...IL LODIGIANO D’ANTANCHE AVEVA VISTO TURANOCurva dopo curva, paese dopo paese, chiesa dopo chiesa, Madonnino dopo Madonnino, alla fine compare in lontananza la sagoma della città.Ricu non aveva mai visto una città, anche se Lodi non era a casa del diavolo; da Monticelli non c’era sta gran strada, ma Ricu non sapeva cos’era una città; mai l’avrebbe pensata così piena di vita per tutte le vie con un tale andirivieni di gente e cariaggi di ogni sorta. Gli sembrava di vedere il mondo intero, nel guardare tanti mucchi di case uscire dai campi in mezzo alle piante. Egli, vedendo questa teoria di tetti e campanili, suono di campane e fumo di camini, coi nembi bassi sopra le case, mentre si alzava il temporale, si era molto spaventato nel bel mezzo di quel putiferio di gente, cavalli, carrozze, vetrine, finestre per ogni dove; lui che, villano, sapeva tutto sui temporali; ma in mezzo ai campi, cento volte meglio di quel trambusto che chiamano città o… baraonda, vuoi mettere!? Pepu aveva il suo da fare per trascinarselo dietro per gli stracci come un vitellino quando non vuol sapere di mettere i piedi sul carro del macellaio. Dulcis in fundo, dopo tanto patimento, arrivano in piazza Duomo; e qui Ricu comincia a smaniare, inciampa in una beola e cade sul selciato; la gente, pettegola come un prurito al culo, si ferma a guardare il villano che è inciampato ed è per terra come un allocco, senza gli zoccoli! Ridono e si sente fra i denti:- Contadino, alza il piede che c’è la soglia, sveglione. E Pepu, parimenti, addosso peggio degli altri:- Cosa combini, stai dando i numeri? Mi sembra di aver a che fare con un cane mai slegato dalla catena, su un po’ di buona lena, accidenti! Ricu è annichilito:- Cosa vogliono tutti? E poi perché ridono, cosa ci fanno in giro, non vanno al lavoro, non hanno proprio di meglio da guardare!? Che brutta storia la città, o civiltà, mah… al colmo della confusione, sopraffatto dalla vergogna, si alza e comincia a camminare come un ubriaco, a destra e manca in mezzo a tutti quei muri, porte, finestre, cani, uomini, gendarmi, muli e cavalli. Sotto i portici della piazza sembra un mercato di tutto un po’, simile ad una giostra di paese, con animaletti e bachi da seta che di solito puzzano di miseria e pancia vuota.Mentre si sta guardando in giro, un cavallo passa di corsa, inseguito dai cani che gli prendono la coda. Col naso per aria, Ricu finisce addosso ai passanti e cade sul selciato della piazza come un impedito. Pepu lo adocchia, scuote la testa e gli dice:- Ricu, perdindirindina, cosa fai a bocca aperta, non hai mai visto niente di simile, o frescone, hai mai visto tante novità in una volta!?E l’altro, gridando come fossero in mezzo ai campi con la zappa, gli risponde con voce gagliarda:- Perdinci Bacco, che storia è questa!? Pepu, lasciami guardare un altro po’; quante belle tettoie e capanni; non ho mai visto niente di simile da che mia madre mi ha scodellato… quanto fieno, quanti carri di letame ci starebbero nei numerosi spazi, infiniti; per nutrire vacche e maiali, manze e vitelli, ed ingrassarli al meglio… però… un momento: sotto i portici non c’è né un pollaio, né una gallina, un porcile; dov’è la stalla, ed il caseificio!? Qui in città dove vanno a mangiare, anche qui suonerà il mezzogiorno… e mentre farfuglia alza il naso e vede le dame alle finestre in alto; lustre più che belle, come le tartarughe, guardano in giù lui che grida secondo il suo costume.Ricu se ne avvede e le segue col dito, scavalca il muretto e fa laronda; di botto prende a gridare:- Perdiana, guarda che belle femmine, le vedi Pepu, che belle manze pronte per il toro!?E Pepu, sottovoce, come a caccia nel bosco:- Cos’hai addosso oggi, il canchero!? Come ti salta in testa di gridare tanto forte, tanghero? Nel mentre gli assesta bruscamente una gomitata nelle costole; ma lui grida ancora più forte e alza maggiormente il dito:- Le vedi Pepu queste regine, come sono belle, ma perché luccicano tanto!? Le stelle? Si, ieri, mi frega tanto delle stelle… penso alle nostre donne che sembrano padelle…Finalmente finisce la via e prendono a destra in una contrada scura, dove Pepu gli dice:- Chiudi quella bocca sacrilega o ti prendo a bastonate! Vuoi farti arrestare!? Cosa pensi nel tuo cervello di gallina, di essere in un bosco!?- Hai proprio ragione, in mezzo a tanto trambusto mi ero smarrito...A salti arrivano a porta Cremona, quindi alla Gatta; prendono per la Cà del Conte dove, finalmente si apre l’orizzonte e si respira aria di casa... di colpo Ricu sbotta:- Sai Pepu, ti faccio una considerazione: sono più stanco di quando vado col carro a slitta a letamare i campi con ghiaccio neve e gelo; perbacco, che fastidio stare tutto il santo giorno in mezzo a gente che ti guarda in bocca; tutto sommato è come la fila di case a schiera della cascina, ma... mancando polli, conigli e orti, va a finire che i cittadini, per riempirsi il piatto, litigano più di noi che sembriamo sempre l’ultima ruota del carro... siamo proprio capitati malamente...Per fortuna ogni giorno cala la sera e, come si sa, i contadiniprendono la strada di casa. Scherzi della città, mezza da buttare e mezza da mondare; parola di Ricu, Lodigiano d’antan…che al massimo era stato a Turano...
© RIPRODUZIONE RISERVATA