“Una michèta, un pum, un baŝin ala to dona”…un panino, una mela e un bacio alla moglie: era la “famosa” frase pronunciata dall’allora deputato lodigiano, nonché consigliere nazionale sindacalista nel ventennio fascista, Edoardo Malusardi, per far capire agli operai di uno stabilimento di Lodi che si poteva, dati i tempi, vivere molto ma molto sobriamente.A prupòsit de che el detu chi, vöri fa un ragiunamènt sü quel che l’era la vita (el mangià) del temp de prima de la guera e quel del dì d’incö. Un mumènt: nisün vör turnà indrè ai tempi magri cun la gent che la gheva una sgaiùsa e un apetìt de sunadù, ma dispias però che ades la ghe sia amò. El mument l’è dificil un po’ per tüti, ma se vede amò cunsümà la roba e se vede la gent es mai cuntenta. Me diseva la padruna d’una traturia che certe volte ven a mangià de la gent che i guardun el menù che ghe scrit sett o vot robe bune...ben, i cércun quela di növ. Ghe i piri coti? No, i vurèvun mangià le mugnaghe suta aŝet, diŝi per schersà. Ben, mi go una certa età e pödi dil fort che sem rivadi chi, mi e tanti altri, sensa mangià le banane, sensa mangià el ciculàt, beve el cafè fai cun l’ulandesa (che el ghe la specialità d’aves “L’è bon?”. “Sì, l’è cald”). Parlèm no de tanta roba che sèvum no gnanca se la ghera al mund. Em savüd tüt dopu la guera.Adès te parli insèma a un giùin e te ghe diŝi: “Te mangiaresi una bela feta de salàm de fidegh? Te sagiarèsi un piàt de panìsa o de ris e lat?”. La risposta: “Schérsum? Mangetiti ti”. Signur!, el mund el cambia e indré se va no, prò sta un po sü la cumpesina andares gnanca mal, ma paciutà tüta roba che so no che num la gà (i gnurànti non ano dirito ala parola, cume i menàdi) e suratüt truà semper mila rugne a quel che se mangia, magari che el custa minga mal, l’è un discùrs che el me piàs e capisi no.Alura tremela en rid, per un dì a l’an fem quel che diŝevi en principi: Pan, pum e baŝin, e niente Kebab. Pensèm a quante giravolte s’è fai (an fai) per cercà de sütà no fa büŝi ala cintüra e pö i gan avüd la sudisfasiòn de aveg no la gòta, la presiòn alta e altre laŝarunade.Sì, ò schersad. Prò, prò…
© RIPRODUZIONE RISERVATA
